2025 жылғы 15 мамырда Қазақстанның автоматтандыру және робототехника қауымдастығы (KAAR) құрылғанына он жыл толуын атап өтеді. Бұл күн тек Қауымдастық үшін ғана емес, бүгінгі таңда ел экономикасында маңызды рөл атқарып отырған робототехника саласының өзі үшін де маңызды белес болып табылады.
15/5/2025 Жаңалықтар / Қауымдастық жаңалықтарыKAAR 2015 жылы Қазақстанда автоматтандыру мен робототехниканы жүйелі түрде дамытуға ұмтылған жеке компаниялар бастамашы болған топтың ұсынысымен құрылды. Содан бері Қауымдастық еліміздің технологиялық трансформациясына белсенді қатысатын беделді сараптамалық алаңға айналды. Біз болашақты күтіп отырмай, оны саналы түрде, стратегиялық және ұлттық басымдықтарды ескере отырып құратын адамдарды біріктіреміз.
Өткен жылдар ішінде Қазақстандағы роботтандыру тығыздығы үш еседен астам өсті. Мемлекеттік құрылымдармен және бизнес-қоғамдастықпен тығыз ынтымақтастық орнатылды. KAAR-дың белсенді қатысуымен робототехника саласына қатысты төрт ұлттық стандарт әзірленіп, қабылданды.
KAAR — Қазақстан Республикасының "Атамекен" Ұлттық кәсіпкерлер палатасы мен Қазақстан Республикасының Цифрлық даму, инновациялар және аэроғарыш өнеркәсібі министрлігі жанында аккредиттелген қауымдастық ретінде, заңнамалық актілер жобалары бойынша жүздеген сараптамалық қорытынды дайындады.
KAAR жыл сайын Қазақстан Машина жасаушылары одағы ұйымдастыратын Машина жасаушылар форумы аясында өнеркәсіптік роботтандыру мәселесіне арналған секциялық отырысты дайындауға және өткізуге тікелей қатысады.
Қауымдастық сондай-ақ жыл сайынғы Digital Almaty форумына белсенді қатысады. Форум аясында робототехникалық шешімдер көрмесі мен робототехникаға арналған тақырыптық панельдік сессия өткізіледі. Форумға Еуразиялық экономикалық одақ елдерінің Премьер-Министрлері қатысады.
Халықаралық консорциум құрамында KAAR Алматы қаласында Өнеркәсіптік робототехника құзыреттер орталығын құруға атсалысты.
Ішкі және сыртқы нарықтағы ағымдағы қажеттіліктер мен перспективаларды терең түсіне отырып, Қауымдастық отандық және жаһандық робот өндірушілермен және интеграторлармен тұрақты байланыс орнатып, Қазақстанда робототехникалық шешімдерді жергілікті деңгейде енгізу бойынша жүйелі жұмыс жүргізіп келеді.
Біз робототехниканы мақсат емес, бәсекеге қабілеттілік пен экономиканың тұрақтылығын арттырудың қуатты құралы деп санаймыз. Қазақстан алдында маңызды сын-қатерлер тұр, сондықтан әрекет ету — бүгінгі күннің міндеті.
Біздің жолымызда бірге болған және бірге қалатын барлық адамдарға — Қауымдастық мүшелеріне, серіктестерімізге, сарапшыларға, пікірлестер мен сыншыларға алғыс айтамыз. Сіздің идеяларыңыз, қолдауыңыз және белсенді қатысуыңыз бізге алға басуға мүмкіндік береді. Біз технологиялар адамдарға қызмет ететін және өмір сүру сапасын арттыруға ықпал ететін болашақты бірге қалыптастырып келеміз.
Бұл да қызықты
